Азәрбайҹан Республикасынын “Тәһсил” Ҹәмиййәти һаггында

“Тәһсил” Ҹәмиййәтинин йаранмасы һаггында гыса мәлумат.
    “Тәһсил” Ҹәмиййәти 1989-ҹу ил нойабр айында тәсис едилмиш вә 1990-ҹы илин август айында Республика Әдлиййә Назирлийиндә гейдиййатдан кечәрәк рәсми фәалиййәтә башламышдыр. Азәрбайҹан Республикасы мүстәгиллик газандыгдан сонра ‘Тәһсил” Ҹәмиййәти 1993-ҹү илин нойабр айында тәкрар гейдиййатдан кечмишдир. Тәшкилат 22 май 1999-ҹу илдә нөвбәти гурултайыны кечирмишдир. “Тәһсил” Ҹәмиййәти көнүллү-иҹтимаи өзүнүидарәетмә формасында тәшкил олунмуш гейри-һөкумәт тәшкилатыдыр. “Тәһсил” Ҹәмиййәти иҹтимаи тәшкилат олараг ҝәнҹ нәслин тәлим-тәрбийәсинин сәмәрәли тәшкилиндә әмәйә, зәһмәтә олан мүнасибәтинин формалашмасында, мәдәниййәтинин йүксәлдилмәсиндә, елми биликләрә йийәләнмәсиндә башлыҹа рол ойнайыр. Ҹәмиййәт Азәрбайҹан Республикасы Конститусийасы, Бейнәлхалг ганунлар әсасында вә өз низамнамәсинә мүвафиг фәалиййәт ҝөстәрир. Ҹәмиййәтин фәалиййәти демократийа, плүрализм, шәхси тәшәббүс вә Ҹәмиййәтин һәр бир үзвүнүн мәсулиййәтли олмасы принсипинә әсасланыр.

Ҹәмиййәтин мәгсәд вә вәзифәләри
Ҹәмиййәтин әсас мәгсәди Республикада фасиләсиз тәһсил системинин һәйата кечирилмәсинә, тәдрис, тәлим вә тәрбийәнин сәвиййәсинин даһа да йүксәлдилмәсинә, кәмиййәт вә кейфиййәт дәйишикликләринә наил олмагдан ибарәтдир. Һәмчинин тәһсилин бүтүн пиллә вә мәрһәләләриндә она иҹтимаи гайғы вә йардым ҝөстәрилмәси, тәһсил оҹагларынын вә мәсләһәт мәркәзләринин йарадылмасы, тәлим-тәрбийә верән вә тәлим алан шәхсләрин файдалы иш фәалиййәтинә ҝөрә гиймәтләндирмәси кими стимулларла ҝәнҹ нәслин шәхсиййәтинин формалашдырылмасына вә йүксәк пешә һазырлығына көмәк ҝөстәрмәкдән ибарәтдир.

Башлыҹа вәзифәләри:
— тәһсили мүасир тәләбләр сәвиййәсиндә гурмаг, тәлим-тәрбийә ишләринин мәзмунуну зәнҝинләшдирмәк үчүн тәдрис мүәссисәләринә, маариф оҹагларына елми, методики, мадди вә техники көмәк ҝөстәрмәк;
— республика вә хариҹи өлкәләрин габагҹыл тәлим-тәрбийә тәҹрүбәсини өйрәниб үмумиләшдирмәк вә онун йайылмасында иштирак етмәк;
— дөвләт вә мүвафиг идарә, мүәссисәләр гаршысында тәһсил илә әлагәдар мәсәлә галдырмаг, онун сәмәрәли һәллини тәләб етмәк, тәһсил системинин ишинә көмәк вә нәзарәт етмәк:
— еһтийаҹы олан, истедадына ҝөрә фәргләнән шаҝирд, тәләбә вә мүәллимләрә, габагҹыл педагожи коллективләрә вә тәдгигатчылара мадди йардым йахуд мүкафат вермәк;
-тәдрис үчүн кейфиййәтли дәрсликләр, дәрс вәсаитләри йазмаға вә тәрҹүмә етмәйә. тәлимин техники васитәләрлә өйрәнилмәсинә, компүтер техникасынын, информасийа васитәләринин тәтбигинә сәй ҝөстәрәнләрә шәраит йаратмаг, йардым етмәк вә мүкафатландырмаг;
— хариҹи өлкәләрин тәһсил мүәссисәләри илә әлагә йаратмаг. хариҹи өлкәләрдә Азәрбайҹаны һәртәрәфли тәблиғ едән мәркәзләр, тәһсил мүәссисәләри вә йа онларын филиалларыны йаратмаг, мүбадилә йолу илә мүтәхәссисләр һазырламаг, конфранслар, семинарлар, симпозиумлар, мүсабигәләр, лотерейалар, ауксионлар вә с. тәшкил етмәк.

Фәалиййәт истигамәтләри:
Азәрбайҹанда фасиләсиз тәһсил системинин һәйата кечирилмәсинә йардымчы олмаг;
— фасиләсиз тәһсилин бүтүн пилләләринин гурулмасы вә инкишафында дөвләт структурлары илә йанашы, иҹтимаи тәшкилатларын да ролунун артырылмасына көмәк етмәк;
— ҹәмиййәтдәки йениләшмәни, сосиал-игтисади инкишафы вә елми-техники тәрәггини тәһсилин йени мәзмун вә кейфиййәт дәйишиклийинә йөнәлтмәк;
— тәһсилин бүтүн саһәләринин мүасир сәвиййәдә тәшкили, гурулмасы вә идарә олунмасындан сәмәрә верән иҹтимаи гурумун йарадылмасы.

Ҝөрүлмүш ишләр:
1. “Тәһсил” Ҹәмиййәти елм вә тәһсил проблемләринә һәср олунмуш 18 ҝөркәмли елм вә маариф хадимләринин һәйат вә йарадыҹылығына һәср олунмуш 14 конфранс, дәйирми маса вә
семинар кечирмишдир; «Тәһсил,, Ҹәмиййәти «Сона ханым Тағыйева”, “Абузәр Ағайев” вә “Әкрәм Әсҝәров” адына дипломлар тәсис етмиш вә 1995-ҹи илдән башлайараг 2006-ҹы иләдәк һәр ил бу дипломлар мүвафиг олараг Бакыдакы 190 сайлы, Нефтчала району Гырмызыкәнд кәнд вә Ҝәнҹә шәһәри 4 сайлы орта мәктәбинин әлачы мәзунларына тәнтәнәли сурәтдә тәгдим едилмишдир.
2. “Тәһсил” Ҹәмиййәти 1994-ҹү илдән Тәһсил үзрә наилиййәтләрә ҝөрә мүкафатлар тәсис етмишдир. Техника, тәбиәт, һуманитар вә тәбабәт елмләри үзрә 4 номинасийада мүәййән едилмиш галибләрә 1994-ҹү илдә ҹәмиййәтин диплому тәгдим едилмишдир. 1999-ҹү илдән башлайараг 2006-ҹы иләдәк мүсабигә һәр ил мүнтәзәм кечирилмишдир.
— 3 “Тәһсил Ҹәмиййәти 2000-ҹи илин йанварындан 2006-ҹы иләдәк “Тәһсил, мәдәниййәт, инҹәсәнәт”, “Физика, рийазиййат, йер елмләри”, “Кимйа, биолоҝийа вә тибб”, “Сосиал билҝиләр” вә ”Техника” адлы 5 серийалы “Билҝи” дәрҝисини дәрҹ етмишдир.
— 4 “Тәһсил” Ҹәмиййәтинин нәздиндә 1995- ҹи илдән 2006-ҹы иләдәк “Интерпретасиа” һүгуг Мәркәзи фәалиййәт ҝөстәрмишдир.
— 5.“Тәһсил” Ҹәмиййәтинин “Сөз-сөзә” йазарлар клубу 1999-ҹу илдән 2006-ҹы иләдәк фәалиййәт ҝөстәрмишдир.
— 6.“Тәһсил” Ҹәмиййәтинин мәтбу органы олан “Тәһсил” гәзети 1992-ҹи илдән 2006-ҹы иләдәк давамлы нәшр олунмушдур.

Нәшрләр:
— “Техники лүғәтчилик тарихимиздән”
— “Сөз чәләнҝи» алманахы”
— “Сона ханымТағыйева”
— “Борчалы топонимләри”
— “М.П.Вагиф вә Ҝүрҹүстан”
— “Аддымлар» поезийа топлусу
— “Сөз-сөзә” поезийа мәркәзи

Гейд: Азәрбайҹан Республикасынын “Тәһсил” Ҹәмиййәти 2006-ҹы илин сонуна гәдәр давамлы фәалиййәт ҝөстәрмишдир…

Әлийев Нуғай Хасай оғлу, т.е.н.. досент;
“Тәһсил” Ҹәмиййәти Идарә Һейәтинин сәдри (1989-ҹу илдән бу ҝүнәдәк).
Тел: +994 50 662 47 54