Азәрбайҹан сейсмолоҝийасынын баниси
Јапон, рус вә Америка зәлзәлә нәзәриййәләринә Азәрбайҹан алтернативи:
Ҝөркәмли сейсмолог алим Шамо Сүлейман оғлу Рәһимиов (1931-1965) һаггында
Шамо Сүлейман оғлу Рәһимиов 1931-ҹи илдә Бакы шәһәриндә анадан олмушдур. Орта мәктәби гызыл медалла баша вуран Шамо М.В. Ломоносов адына Москва Дөвләт Университетинин физика факүлтәсинә дахил олмуш, ораны битирдикдән сонра ССРИ Елмләр Академийасынын Јерин физикасы Институтуна аспирантурайа ҝөндәрилмишдир. Аспирантураны битирдикдән сонра мүвәфәггиййәтлә диссертасийа мүдафиә едәрәк физика рийазиййат елмләри намизәди алимлик дәрәҹәси алмышдыр.
1958-ҹи илдән өмрүнүн сонуна кими Азәрбайҹан ССР Елмләр Академийасынын ҝеолоҝийа Институнда бөйүк елми ишчи ишләмишдир.
Ш.С Рәһимов ваһид сейсмик хидмәт рәһбәри кими һәм дә Јерин Тәки проблемләри илә мәшғул олан физикләр групуна башчылыг етмишдир. Онун гәләминдән чыхан онларла елми ишләр вә мәгаләләр Јер Тәкинин мүхтәлиф проблемләрини, сейсмолоҝийаны, мүһәндис сейсмикасыни, Азәрбайҹан әразисинин сейсмик районлашдырылмасыны вә с. әһатә едирди.
Ҝәнҹ Азәрбайҹан алиминин мәрузәләри вә елми нәтиҹәләри дәфәләрлә кечмиш ССРИ-дә вә хариҹдә — Маҹарыстан, Алманийа Демократик Республикасы, АБШ, Инҝилтәрә, Һиндистан кими өлкәләрдә кечирилән елми конгрес вә конфрансларда дәфәләрлә чап олунмуш, тәгдим олунмуш вә бөйүк мараға сәбәб олмушду.
Һәмин дөврдә дүнйада сейсмик мәсәләләрлә мәшғул олан үч елми мәктуб мөвҹуд иди: Јапон, Рус вә Американ алимләринин мәктәбләри . Ш. С. Рәһимов бу мәктәбләрә алтернатив олараг дүнйа алимләринин диггәтини ҹәлб едәҹәк Азәрбайҹан сейсмолоҝийа мәктәбини йарада билди.
Шамо Сүлейман оғлу Рәһимову Азәрбайҹан сейсмолоҝийасынын баниси саймаг олар.
О, Релей сейсмик далғаларын чәрчивәсиндә йени 2 груп далғалары кәшф етди. Бу далғалар мүасир сейсмолоҝийа елминдә Шамо далғалары адланыр.
1960-ҹы илләрин сонундан Бакы Сейсмик стансийасы Шамо Рәһимовун адыны дашыйыр.
Гейд: Ш.С Рәһимовун өлүмүндән сонар рус дилиндә нәшр олунан «Вопросы изучения строения земли» адлы китабынын пдф форматда өврагымызда йерләшдирилмәси ҝөзләнилир. Изләйин!
