Нахчыван шәһәр Әкбәр Ағайев адына интернат-мәктәб һаггында
…Јахшы оларди ки, интернат мәктәбләрин шәбәкәси инди даһа да ҝенишләнәрди вә тәһсил ҝүнүн тәләбләринә уйғун инкишаф етдириләрди…
Мән Тарвердийева Гонча Һәсән гызы 1955/56-ҹы дәрс илиндә Нахчыван шәһәр Ҹ.Мәммәдгулузадә адына 2 сайлы орта мәктәбин Х синфини гызыл медалла битириб һәмин ил Азәрбайҹан Дөвләт Педогожи Институтунун физика-рийазиййат факүлтәсинә дахил олмушам.Институту битирдикден сонра 1961-ҹи илдә тәйинатла Нахчыван Мухтар Республикасына ҝәлмиш вә һәмин ил Нахчыван шәһәриндә ачылан Әкбәр Ағайев адына интернат мәктәбинә физика-рийазиййат мүәллими тәйин едилмишәм.Һәмин илләр Азәрбайҹан Республикасынын мүхтәлиф бөлҝәләриндә имкансыз аиләләрин ушагларынын тәһсилә ҹәлб едилмәси мәгсәди илә интернат мәктәбләри ачылмышдыр.О ҹүмләдән Нахчыван Мухар Республикасынын Әбрәгунус,Ордубад вә Нахчыван шәһәрләриндә интернат мәктәбләри фәалыййәт ҝөстәрмәйә башлады.Ҝәнҹ кадр кими фәалиййәтә башладығым интернат мәктәбиндә саф аилә гурмамын тәмәли гойулду.Һазырда ики оғлум,ики гызым вар.Онлар да һәмин интернат мәктәбинин мәзунларыдыр. Һамысы али савад алмыш вә аиләлидир.1961-ҹи илдә ишә башладығым интернат мәктәбиндә 210 шаҝирд тәһсил алырды.Мәктәбдә ән йухары синиф ВЫЫ синиф иди.Мәктәбин директору Иса Мәммәдовун тәләбкарлығы вә тәшкилатчылыг баҹарығы сайәсиндә гыса мүддәтдә мәктәбин сорағы һәр йерә йайылды.
Мәктәбдә илк фәалиййәтә башлайан мүәллимләрдән Ләтифә Кәләнтәрли,Шәфигә Әлийева,Гонча Тарвердийева,Ибраһим Газыйев,Мухтар Кәнҝәрли,Шәмил Рәһимов,Әләвиййә Мирзәйева,Микайыл Садигов вә башгалары шаҝирдләрин тәлим вә тәрбийәсиндә хүсуси рол ойнамышлар.Шаҝирдләр мәктәби икинҹи евләри һесаб едирдиләр.Онлар ән йүксәк гайғы илә әһатә едилирдиләр.Мәктәбдә тәһсил корпусу,йемәкхана,идман мейданчасы шаҝирдләрин ихтийарында иди.Шадирдләр мәктәбин мәдәни вә сосиал һәйатында бойүк фәаллыг ҝөстәрирдиләр.
Мәктәбин йемәкхансында вә йатагханасында һәм мүәллимләр һәм дә шаҝирдләр һәр ҝүн нөвбәтчилик едирдиләр.Јатаг отагларынын тәмизлийинә нәзарәт үчүн һәр ҝүн гиймәтләндирмә иши апарылырды.Отаглара гиймәт верилир вә о гиймәтләр хүсуси ҹәдвәлдә
гейд едилиб дивардан асылырды.Бу исә шаҝирдләрин интзамында, коллектив тәрбийәсиндә өнәмли рол ойнайырди, йатдыглары отагларын сәлигәли сахланылмасына,дәгиг олмаларына, ҝәләҹәк һәйатларында дүзҝүн стимул йарадылмасына истигамәтләндирирди.
Бундан башга мәктәбдә радио говшағы фәалиййәт ҝөстәрирди.Радио васитәсилә һәр ҝүн дәрсдән әла вә гейри-кафи гиймәт алан шаҝирдләрин адлары охунур вә бүтүн мәктәб шаҝирдләринә чатдырылырды.Бу исә шаҝирдләрин дәрсләрини даһа дәриндән вә диггәтлә охумаларыны тәмин едирди.
Шаҝирдләрдә интизамын ҝүҹләндирилмәсинә көмәк едән сатирик “Санҹаг» гәзети дәрҹ олунурду.Һәфтәдә бир дәфә дәрҹ едилән бу гәзетдә мәктәбдә интизамы позан,дәрсә ҝеҹикән, шаҝирд йолдашларына гаршы кобудлуг едән шаҝирдләрин карикатурасы верилир вә һәмин шаҝирдләр тәнгид едилирди.Бу ҹүр иҹтимаи ишләрдә шаҝирдләр йахындан иштирак едирдиләр.
Мәктәбдә шаҝирдләрин һәртәрәфли инкишафына көмәк едән мүхтәлиф дәрнәкләр фәалиййәт ҝөстәрирди.Бунлардан өзфәалиййәт дәрнәйи, әмәк дәрнәкләри, әдәбиййат, физика, рийазиййат, кимйа, дәрзилик дәрнәйи вә саир дәрнәкләри ҝөстәрмәк олар.
Шаҝирдләр асудә вахтларында мүхтәлиф екскурсийалара,шәһәрин ҝөрмәли йерләринә,ҝәзинтиләрә коллектив шәкилдә апарылырды.
Мәктәб дахилиндә шаирләрлә,йазычыларла,елм адамлары илә ҝөрүшләр кечирилирди.
Мәктәбин һәкими шаҝирдләрин тәмизлийинә, сағламлығына хүсуси фикир верирди.
Мәктәбдә мүхтәлиф фәнн кабинәләри, лабараторийалар шаҝирдләрә дәрсләрин әйани кечрилмәсинә хидмәт едирди.Бир гайда олараг физика вә рийазиййат дәрсләри әйани кечирилирди.
1985-ҹи илдән башлайараг мәктәбдә информатика дәрсләри тәдрис едилди.Информартика кабинәси тәшкил едилди вә о кабинәдә шаҝирдләр дәрсләрини әйани сурәтдә кечирдиләр вә о кабинәйә мән рәһбәрлик едир вә дәрсләри мән тәдрис едирдим.Чох кечмәди ки,интернат мәкәтбин габагҹыл тәҹрүбәси мәктәбләр арасында йайылмаға башлады.Мәним тәҹрүбәм шәһәр мәктәбләри арасында йайылараг бүллетен бурахылды вә мәнә методист мүәллим ады верилди.
Мәктәбин диркетору Мухтар Кәнҝәрлинин рәһбәрлийи алтында интернат мәкәтби даһа да инкишаф етди.Шаҝирдләрин сайы 420 нәфәрә чатды вә һәр ил 11-ҹи синифләрин бурахылышы олду.
Мәктәби гуртаран инетрнат мәзунларынын сорағы республиканын мүхтәлиф саһәләриндән ҝәлир.Онлар мәктәбдә алдыглары билик, баҹарыг,интизамлы олмаг, Вәтәнә,инсанлара,торпаға севҝи,мәтин олмаг, дүзҝүн йол тутмаг,өз ишләринә виҹданла йанашмаг үчүн өз сәйләрини әсирҝәмирләр.
Белә шаҝирдләрдән Президент апаратында хидмәт едән Әли Һәсәнов,Гафар Әлийев, Мәһәррәм Әлийев һәкимләрдән Сәфәр Сәфәров, Мухтар Пашайев, Мирзә Әскәров, Ҹәби Исмайилов, Гочәли Достәлийев, вә саир сәнәт адамлары о ҹүмләдән Фазил Садыгов, Јусиф Газыйев, Маһир Газыйев, Азәр Бағыров, Елмар Мәһәррәмов, Ислам Казымов, Мирәләкбәр Сейидов, Иса Һәтәмов, Јенисей Һаҹыйев, Һәбиб Гулийев вә бир чохларыны садаламаг олар.
Мәктәбин мүәллим коллективинин бир чох үзвләри Азәрбайҹан Тәһсил Назирлийи вә Нахчыван Мухтар Республикасынын Тәһсил Назирлийи тәрәфиндән гиймәтләндириләрәк “Габагҹыл маариф хадими” ,”Әмәкдар мүәллим” адына лайиг ҝөрүлмүшләр.О ҹүмләдән Тәһсил Назирлийинин фәхри фәрманлары илә тәлтиф едилмишләр. Нахчыван Тәһсил Назирлийи тәрәфиндән кечирилән аттестасийада мәкәтбин мүәллимләринин әксәриййәти йүксәк категорийалы мүәллим статусу алмышлар.
Белә мүәллимләрдән Гәмәр Мирзәйева,Ибраһим Газыйев,Шәмил Рәһимов,Гонча Тарвердийева, Ләтифә Кәләнтәрли, Мухтар Кәнҝәрли вә башгаларыны ҝөстәрмәк олар.
Мәктәбдә тәһсилин йүксәк сәвиййәдә кечирилмәси нәтиҹәсиндә һәр ил бурахылыш синифләрини гызыл медалла битирән шаҝирдләрин сайы артырды.Онларын һамысы гәбул имтаһанларында илк имтаһандан әла гиймәт алараг өлкәнин мүхтәлиф институтларына гәбул олурдулар.
Белә шаҝирдләрдән Мухтар Пашайев,Елдар Рүстәмов,Фәридә Газыйева,Зәрифә Аббасова,Пүстә Фәрзәлийева вә бир чохларынын адларыны чәкмәк олар.
Лакин сонрадан иҹтимаи вәзиййәтин ҝәрҝинләшмәси илә әлагәдар олараг өлкәнин бир чох йерләриндә, о ҹүмләдән Нахчыван шәһәриндә фәалиййәт ҝөстәрән интернат мәктәбләри бағланды.Јахшы оларди ки, интернат мәктәбләрин шәбәкәси инди даһа да ҝенишләнәрди вә тәһсил ҝүнүн тәләбләринә уйғун инкишаф етдириләрди.
Гонча Тарвердийева,
йүксәк категорийалы физика-рийазиййат
мүәллими (методист)
Нахчыван шәһәр интернат мәктәби мүәллимләринин
мәзунларын бир групу илә ҝөрүшүндән фото ҝөрүнтүләр
Нахчыван шәһәр интернат мәктәби мүәллимләринин
мәзунларын бир групу илә ҝөрүшүндән видео ҝөрүнтүләр
